Kjöt með karrísósu

Þá er komið að síðasta réttnum í þessum áfanga og er það ekkert annað en Kjöt í karrí! :)

Mér hefur alltaf fundist kjöt í karrí rosalega gott og því stóðst þetta allar mínar væntingar því þetta var mjög góð uppskrift. Uppskriftin er úr bókinni Eldað í dagsins önn á blaðsíðu 22.

Við byrjuðum á því að sjóða kjötið. Við hituðum þá vatnið að suðu og vorum búin að hreinsa kjötið áður en við bættum því út í sjóðandi vatnið.

Þegar froða var farin að myndast á pottinn veiddum við hana upp úr og bættum einni og hálfri teskeið við vatnið. Síðan suðum við kjötið þar til það var tilbúið, í sirka 40 mínútur. Þá settum við gulrætur og kartöflur í pottinn og suðum með kjötinu í 15 mínútur í viðbót.

Til að búa til karrísósuna notuðum við soðið af kjötinu, um 3 dl. Við undirbjuggum svo jafning með því að hrista saman léttmjók hveiti og karrí. Síðan helltum við jafningnum út í soðið og hrærðum vel í til að blanda vel saman meðan sósan sauð. 

Okkur fannst þetta síðan alltof lítil sósa þannig að við þrefölduðum hana með því að taka meira af soðinu og bjuggum til meiri jafning. Á mínu heimili á allt að vera löðrandi í karrísósu þegar hún er í boði svo það var nauðsynlegt að búa til meiri sósu :)

Við suðum svo auka kartöflur í potti til hliðar sem við bárum fram með kjötinu.

Rosalega bragðgóður og klassískur réttur sem auðvelt er að elda.

Njótið!

Rannveig

Töfrafiskur og Grænmetispottréttur

Hér ákváðum við að slá tvær flugur í einu höggu. Við elduðum töfrafiskinn og höfðum grænmetispottréttinn með sem meðlæti! Okkur fannst það voða sniðugt þar sem við hefðum hvort sem er borðað bara grænmetisrétt í kvöldmat. Við erum kjötætur! ;)

Uppskriftina að töfrafisknum fengum við úr bókinni Eldað í dagsins önn á blaðsíðu 48 en uppskriftin að grænmetispottréttinum er úr bókinni Við matreiðum á blaðsíðu 175.

Við skulum byrja á fisknum:

Mér fannst nafnið á réttinum ekki gefa neitt til kynna svo að ég var ekki með neinar væntingar, en viti menn hann var bara nokkuð góður. Ég myndi örugglega elda hann aftur.

Við byrjuðum á því að smyrja eldfast mót svo að eplin og fiskurinn myndu ekki festast við það. Næst flysjuðum við og skárum eplin, röðuðum þeim á eldfasta mótið, stráðum yfir þau karrí og glóðuðum þau inni í ofni í sirka 5 mínútur.

Við keyptum ýsuflök fyrir réttinn og meðan að eplin voru inni í ofni hreinsuðum við fiskinn og skárumm hann í meðalstóra bita. Svo settum við fiskinn yfir eplin, stráðum smá salti yfir og dreifðum smjörklípum á víð og dreif yfir fiskinn. Allt er betra með smá smjöri :)

Við glóðuðum fiskinn í svona sirka 7 mínútur áður en við stráðum rifnum osti yfir og settum aftur inn í ofn til að leyfa honum að bráðna í svona 2 mínútur.

Þegar fiskurinn var kominn úr ofninum stráðum við þurrkuðu dilli yfir til að skreyta.

En þá að grænmetisréttinum:

Það fyrsta sem við byrjuðum á að gera var að skera rauðlaukinn og hita hann ásamt kryddinu (kúmen, kóríander, túrmerik, kajennpipar, salt og svartur pipar) í pottinum. 

Næst skárum við gulrætur, kúrbít, papríku, kartöflur og sætar kartöflur í litla bita og bættum út í ásamt niðursoðnum tómötum (ásamt safanum sem var í dósinni) og grænmetissoði sem við bjuggum til úr vatni og grænmetiskrafti. Næst suðum við allt heila klabbið þar til að var orðið meyrt.

Í lokin bættum við út í tómatmauki og kjúklingabaunum og létum suðuna koma upp. Þegar að altt var aoðrið meyrt og fínt bárum við réttinn fram.

Grænmeti er ekki mitt uppháhald þannig að þessi réttur stóðst alveg mínar væntingar um að vera ekki fyrir mig. Það gekk samt vel að elda og undirbúa hann, enda ekki flókinn réttur. En ég verð að viðurkenna að ég plokkaði kjúklingabaunirnar úr og borðaði þær, mér fannst þær það besta við þennan rétt.

Njótið!

Rannveig

Saltkjöt og baunir

Túkall! Sorrý varð bara að skrifa þetta því þetta er búið að óma í hausnum á mér frá því ég byrjaði að elda þennan rétt :)

Uppskriftina að þessum rétt má finna í bókinni Eldað í dagsins önn á blaðsíðu 15. Ég hef aldrei smakkað baunasúpu áður svo ég var ekki með neinar væntingar en viti menn hún var bara mjög góð, frekar sölt, en góð!

Það fyrsta sem við gerðum var að undirbúa okkur og leggja gulu hálfbaunirnar í bleyti kvöldið áður en við elduðum réttinn. Þetta er gert til að mýkja baunirnar og stytta suðutímann þegar eldað er. Næsta dag þegar við elduðum réttinn byrjuðum við á því að setja 13 dl af vatni í pott og suðum baunirnar þar í 15 mínútur. Ef að froða myndast í pottinum skal fjarlægja hana og setja í vaskinn.

Næst skárum við salkjötið í frekar stóra bita og sumt bara ekki og bættum því í baunapottinn og suðum kjötið með baununum í 50 mínútur. Við bættum líka beikoninu við þá sem við höfðum skorið í ltila bita.

Næst skárum við grænmetið niður eftir að við hreinsuðum það og settum allt nema spergilkálið sem á ekki að bæta við í súpuna fyrr en í lokin. Alla súpuna suðum við nú í 15 mínútur og þegar að því var lokið bættum við spergilkálinu við og suðum í 5 mínútur til viðbótar.

Þar sem að súpan er svo matmikil bárum við ekkert fram með henni nema nóg af vatni þar sem hún var frekar sölt.

Eldamennskan gekk að öllu vel nema við hefðum kannski þurft að sjóða kjötið sér og bæta því svo út í súpuna svo hún yrði ekki jafn sölt. En mér finnst svo sem allur saltur matur góður svo saltbragðið fór ekki illa í mig :)

Njótið!

Rannveig

Steiktur fiskur

Þá er komið að steikta fisknum. Uppskriftina að honum finnið þið í bókinni Við matreiðum á blaðsíðu 91. Með fisknum er svo steiktur laukur.

Við keyptum ýsuflök til að nota í þessa uppskrift og byrjuðum á því að hreins og þerra fiskinn svo hann yrði ekki of blautur. Við skárum hvert flak í um 3 sneiðar og veltum þeim upp úr hveitiblöndu sem innihélt hveiti, salt og pipar. Næst steiktum við fiskinn upp úr smjörlíki á heitri pönnu. Við slöktum svo undir pönnunni og héldum fisknum heitum á meðan að við gerðum laukinn.

Við skárum lauk í mjög þunnar sneiðar og brúnuðum hann upp úr smjörlíki. Við létum svo laukinn ofan á fiskinn áður en hann var borinn fram.

Meðlætið okkar var ofureinfalt. Við suðum kartöflur til að hafa með og gerðum heimatilbúna kokteilsósu úr sýrðum rjóna og tómatsósu. Mér finnst alltaf svo gott að hafa kokteilsósu með steiktum fisk.

Þessi diskur stóðst væntingar mínar að því leiti að steiktur fiskur er alltaf steiktur fiskur, voðalega lítill bragðmunur þar á eftir uppskriftum. En hinsvegar þá kom laukurinn mér á óvart þar sem ég er ekki mikil lauk manneskja en hann var mjög góður með fisknum.

Allt í allt fínn matur og rosalega fljótlegt og auðvelt að elda sem skýrir kannski afhverju það gekk svona vel hjá okkur :)

Njótið!

Rannveig

Spergilkálssúpa

Æj hvar skal byrja. Ég verð að segja að ég var nú ekki með neinar væntingar fyrir þess súpu aðrar en þær að ég vissi að mér myndi ekki finnst hún góð. Að því leitinu til stóðst hún mínar væntingar því að þessi súpa er ekki fyrir minn smekk. Uppskriftin er úr bókinni Eldað í dagsins önn og hana má finna á blaðsíðu 85.

Við byrjuðum á því að flysja laukinn og kartöflurnar og skárum það svo í litla bita. Bitarnir eru litlir því þá er auðveldar að mauka þá síðar í ferlinu. Næst hreinsuðum við spergilkálið undir köldu vatni og skárum niður um 200 grömm af því.

Næst suðum við um 7 dl af vatni og þegar að suðan var komin upp bættum við öllu grænmetinu út í ásamt kjötkraftsteningi. Þegar að grænmetið var búið að sjóða í 15 mínútur maukuðum við það með töfrasprota þar til að súpan var orðin mjúk og kekkjalaus. Næst settum við rjómaostinn og léttmjólkina saman við og hrærðum þar til osturinn var bráðnaður. Síðan krydduððum við með þurkaðri basilíku.

Með súpunni bar ég fram sólkjarnabrauð sem við höfðum bakað fyrir verkmöppu 1.

Það gekk í sjálfu sér mjög vel að matreiða súpuna og ég get ekki bent á neitt sem fór illa, nema kannski bragðið á súpunni (og já Maggi tók óvart vitlausan kryddstauk svo að það fór smá kúmen ofan í hana). En eins og ég segi, ekki súpa fyrir minn smekk þannig að ég og Maggi enduðum á því að fara á KFC þetta kvöld :)

"Njótið!"

Rannveig

Steiktar fiskibollur

Þá er komið að steiktu fiskibollunum úr bókinni Eldað í dagsins önn. Þessa uppskrift finnið þið á blaðsíðu 40 í bókinni.

Að búa til þessar bollur var ekki erfitt og mér finnst alveg fáránlegt hvað heimatilbúnar fiskibollur eru miklu betri en þær sem maður kaupir tilbúnar út í búð. 

Í þessar bollur notuðum við ýsu. Við byrjuðum á því að mauka fiskinn í matvinnsluvél. Það verður samt að passa að mauka hann ekki of mikið, þetta á ekki að verða fiskihakk. Það er líka hægt að tæta fiskinn með skeið ef þið viljið það frekar. Næst hrærði ég fiskinn með handþeytara og bætti við hann salti og pipar. Við ákváðum að sleppa lauknum þar sem við erum ekki miklar laukmanneskjur ég og Maggi. Næst bættum við kartöflumjölinu og hveitinu út í og hrærðum því sman við. Næst tókum við eitt egg sem við vorum búin að slá í sundur og bættum því saman við fiskinn. Það síðasta sem við þurftum að setja við bollurnar var mjólk. Við hrærðum henni smám saman við blönduna. Næst brúnuðum  við bollurnar á pönnu með smjöri (við svindluðum smá því að allt er betra ef það er steikt upp úr smjöri :) ). Síðan komum við bollunum fyrir á eldföstu móti og kláruðum að elda þær inni í ofni.

Ástæðan fyrir því að við kláruðum bollurnar inni í ofni en suðum þær ekki var einfaldlega sú að okkur leist ekkert á þessa sósu og við vildum fá stökka húð utan um bollurnar. Í staðn fyrir sósuna ákváðum við að útbúa heimatilbúna Karrýsósu. Uppskriftina fengum við af bloggsíðunni eldhussogur.com og má sjá hana hér: http://eldhussogur.com/2012/10/09/fiskibollur-med-karrisosu/ (við notuðum að sjálfsögðu bara sósuuppskrftina en ekki fiskibolluuppskriftina)

Sem meðlæti með bollunum og sósunni suðum við hrísgrjón því það er ekkert betra en hrísgrjón og góð karrýsósa. Nammi namm :) 

Það gekk rosalega vel að elda þessa uppskrift þó að ég hélt á tímabili að fiskibollublandan var alltof þunn eftir að búið var að bæta við mjólkinni og stóst uppskriftin að bollunum allar mínar væntingar.

Njótið!

Rannveig

Möffins og Smjörkökur

Þar sem að ég og Magnús misstum af tveimur tímum þurftum við að baka heima hjá okkur. Ég tók að mér að baka Möffins og Smjörkökur en Maggi bakaði Skúffuköku og Sjónvarpsköku. Hér fyrir neðan sjáið þið myndir af því sem ég gerði.

 Þær brunni pínulítið hjá mér svo ég tók bara myndir af þeim bestu :)

Hér eru svo smjörkökurnar, sjúklega auðvelt að gera þær og svo eru þær líka rosalega góðar. Ég myndi pottþétt baka þær aftur.

Steiktar kótelettur og brúnaðar kartöflur

Þá er komið að kótelettunum. Við ákváðum að gera kótelettur í raspi því að þær eru bara einfaldlega betri. Sem meðlæti ákváðum við að hafa brúnaðar kartöflur ásamt fleiru sem ég tala um seinna. Uppskriftina að kótelettunum og brúnuðukartöflunum má finan í bókinni Við matreiðum á blaðsíðum 118 og 155.

Við keyptum frosnar kótelettur til að nota í réttinn og þurftum því að þerra kjötið vel með pappír áður en það var steikt. Í poka settum við salt, pipar, papríkuduft og töfrakridd, ásamt raspi. Þessu blönduðum við vel saman. Kótelettunum var svo komið fyrir í pokann með rapsblöndunni og hrist vel svo þær yrðu vel huldar raspi.

Við komum svo kótelettunum fyrir í eldfast form, settum smjörklípur hér og þar og settum inn í ofn. Við ákváðum að elda þær svona svo það yrði ekki of mikil bræla og kóteletturnar of fitugar.

Þegar við gerðum brúnuðu kartöflurnar suðum við um hálft kíló af óflysjuðum kartöflum. Þegar þær voru orðnar meyrar flysjuðum við þær og skoluðum úr köldu vatni. Við geymdum kartöflurnar til hliðar og útbjuggum karmelluna með því að bræða smjörlíki og sykur saman á pönnu. Þegar að karmellan var tilbúin bættum við kartöflunum útí og veltum þeim upp úr karmellunni þar til þær voru orðnar gullinbrúnar.

Sem meðlæti útbjuggum við lauksmjör sem inniheldur bara saxaðan lauk og smjör,

grænar baunir frá Ora.

Og svo sultu fyrir þá sem vilja :)

Þetta fannst mér rosalega gott á bragðið og stóðst allar mínar væntingar, sérstaklega þar sem auðvelt var að elda þetta og ekkert fór illa við matreiðsluna.

Njótið!

Rannveig

Íslensk kjötsúpa

Þetta var í fyrsta skipti sem ég eldaði íslenska kjötsúpu og mér fannst það heppnast alveg ágætlega. Uppskriftin sem ég og Maggi notuðum er í bókinni Eldað í dagsins önn og má finna hana á blaðsíðu 9.

Við byrjuðum á því að hreinsa kjötið en skildum þó eftir einhverja fitu á kjötinu því að hún gefur svo gott bragð. Næst suðum við 12 dl af vatni og þegar að suðan var komin upp settum við kjötið út í pottinn ásamt nautakraftstening. Nú þarf að lækka hitann niður á lægstu stillingu en passa að suðan detti ekki niður.

Þegar að froða var farin að myndast í pottinum veiddum við hana upp úr og helltum í vaskinn. Næst settum við í súpuna súpujurtirnar og salt og sjóðum í klukkutíma.

Næst undirbjuggum við allt grænmetið, flysjuðum kartöfluna, rófuna, gulræturnar og skárum það ásamt hvítkálinu og blaðlauknum. Þetta settum við síðan ofan í pottinn og leyfðum að sjóða með kjötinu. Þá er komið að því að þykkja súpuna með því að hella út í blöndu af súpudufti og vatni sem búið er að hrista vel. Þá er súpan látin sjóða í 15 mínútur í viðbót.

Og þá er súpan tilbúin. Í uppskriftinni stendur að súpan sé fullkomin máltíð ein og sér svo að við Maggi létum það bara standa og bárum ekki neitt nema fram með súpunni nema vatn :) 

Það tókst mjög vel að gera súpuna og það var í rauninni munn auðveldara heldur en ég bjóst við þannig að þessi uppskrift fór fram úr mínum væntingum.

Njótið!
Rannveig

Smásteik(gúllas) með hærðum kartöflum

Þá er komið að fyrstu uppskriftinni fyrir verkmöppu 2! Ég og Magnús ákváðum að byrja þessa eldunartíð með gúllasi og hrærðum kartöflum úr bók ,,Við matreiðum". Gúllasið finnið þið á blaðsíðu 122 en hrærðu kartöflunar finnið þið á blaðsíðu 155.

Í gúllasið keyptum við nautakjötgúllas sem búið var að skera og snyrta fyrir okkur. Við byrjuðum á því að þerra kjötið með pappír svo það yrði ekki of blautt þegar við byrjuðum að steikja það.

Næst skárum við laukinn smátt en við slepptum að hafa gulrætur. Þegar því var lokið tókum við plastpoka og settum í hann hveiti, salt og pipar. Síðan settum við kjötið í pokann og hristum vel þannig að kjötið yrði allt hulið hveitiblöndunni.

Næst steiktum við kjötið upp úr matarolíu. Þegar kjötið var orðið brúnað bættum við lauknum við ásamt lárviðarlaufi, merían og kjötsoði sem við höfðum útbúið úr vatni og kjötkraftsteningi.

Þetta suðum við þar til kjötið var orðið meirt, í tæplega klukkutíma.

Næst útbjuggum við kartöflurnar með því að sjóða hálft kíló af flysjuðum kartöflum. Þegar að þær voru orðnar meirar tókum við frá 1 dl af katöflusoðinu. Næst settum við kartöflurnar í skál fyrir Kitchanaid vélina og er þetta í fyrsta sinn sem ég hef nokkurntíman notað hærivél en ekki stappara til að búa til kartöflumús. Við hrærðum kartöflurnar og bættum út í soðið, mjólkina, salt, smá pipar og smá sykur. Þetta hrærðum við þar til allar kartöflurnar voru orðnar maukaðar og blandan orðin létt.

Það gekk vél að elda þetta allt saman en kjötið hefði mátt sjóða aðeins lengur svo það yrði meyrara. Annað þá fannst mér rosalega ógirnilegur litur á þessu svo ég setti nokkra dropa af sósulit út í svo gúllasið yrði girnilegra.

Þetta var rosalega bragðgott allt saman og fannst okkur Magga tilvalið að hafa snittubrauðið sem við bökuðum fyrir verkmöppu 1 með matnum! :)

Njótið!

Rannveig

Nanbrauð

Jæja þá er komið að síðustu bakstursuppskriftinni og við getum bráðum farið að elda! Það er komið að Nanbrauði. Það gekk vel að velta deiginu upp úr kryddblöndunni, ég hélt það yrði erfiðara fyrir kryddið að festast á brauðinu. Það sem hefði mátt fara betur var samt að nanbrauðið varð frekar að bollum en flatbrauði. Ég hefði þurfta að fletja það út betur.

En þá að ferlinu!

Ég byrjaði á því að mæla þurrgerið og sykrinn saman í skál.

Næst velgdi ég mjólkina og jógúrtina (sem var hreint óskajógúrt) inni í örbylgjuofni.

Svo hellti ég jógúrtblöndunni yfir gerið og sykurinn sem ég setti í skálina og lét standa í um það bil 15 mínútur. Þetta vekur gerið :) Eftir það blandaði ég saman helmingnum af hveitinu, matarolíunni, lyftidufti og salti við gerblönduna. Hnoðið og passið að deigið sé ekki þurrt!

Næst setti ég skálina í heitt vatnsbað og leyfði deiginu að hefast í um 15 mínútur. Ég gleymdi því reyndar smá og það var í alveg 20 mínútur hjá mér en það breytti svo sem litlu.

Meðan deigið var að hefast útbjó ég kryddblönduna. Í henni var karrí, salt og þurrkaður kóríander. Þessu blandaði ég vel saman.

Þegar deigið var búið að hefast. Þá hnoðaði ég það aftur og bætti við hveiti þar til ég gat meðhöndlað það án þess að það klístraðist við mig.

Hér fyrir ofan getið þið svo séð hvað á að gera næst :)

Hér sjáið þið svo útkomuna! Þegar að brauðin komu heit úr ofninum penslaði ég á þau hvítlaukssmjöri sem ég bjó til. Þessi brauð verða pottþétt gerð aftur því get ég lofað! Ótrúlega mjúk og góð og alls ekki erfitt að búa þau til.

Við Magnús ákváðum að hafa indverskan mat í kvöldmat svo við gætum borðað nýbökuðu brauðin okkar með, en hann gerði sín sama dag :) Hér erum við með ýsu í mangó karrý sósu, kúskús og að sjálfsögði kúlulaga nanbrauðin okkar.

Njótið!

Rannveig

Heilsubrauð

Nú er frystikistan mín orðin full af brauðum og er komin að því næst síðasta! Það er ekkert annað en heilsubrauð. Það sem kom mér á óvart við þetta brauð var hversu klístrað deigið var! Það var þvílíkt vesen að koma því í formið og var það pottþétt það sem gekk ill að þessu sinni. Það gekk hinsvegar mjög vel að búa til deigið því að ég þurfti í rauninni bara að hella öllum hráefnunum saman í skál og hræra.

En þá að ferlinu!

Eins og ég sagði hér fyrir ofan þá er mjög auðvelt að gera þetta og öllum hráefnunum bara hellt í skál. Ég byrjaði á því að hella haframjöli ofan í skálina. Síðan helli ég hveiti, heilhveiti og rúgmjöl einnig ofan í skálina. 

Það kom mér á óvart að það ætti að vera bæði lyftiduft og matarsódi í uppskriftinni og svo er líka svolítið mikið af hverju en ég bætti út í deigið því magni sem átti að setja :)

Súrmjólk er notuð til að bleyta upp í deigiu og er notaður heill lítri af súrmjólk. Þetta verður frekar mikið deig!

Hrærið deigið lítið í vélinni.

Svona lýtur deigið út þegar það er búið að hræra allt saman.

Næst er deigið sett í smurt jólakökuform og tók það ágætis tíma þar sem að deigið var svo seigt að erfitt var að koma því ofan í formið.

Svona leit svo brauðið út þegar að það kom úr ofninu. Mér fannst það frekar bragðlaust, kannski bara því ég fíla betur óhollu brauðin ;)

Njótið!

Rannveig