Sólkjarnabrauð

Nú eigið þið örugglega erftir að verða ósátt við mig! Því þetta varð alls ekki að sólkjarnabrauði heldur að tveggjafræjabrauði. Ég sleppti sem sagt sólblómafræjunum. Ég gerði þetta því að engum heima hjá mér finnst sólblómafræ góð og ég vil frekar skipta um fræ heldur en að sóa matnum sem myndi bara enda í ruslinnu því enginn borðar sólblómafræ. Það finnst mér skelfilegt svo ég ákvað frekar að skipta um fræ heldur en að sóa matnum. Það gekk mjög vel að baka þessa uppskrift þannig að ég myndi segja að það eina sem fór illa var að þetta varð ekki að sólkjarnabrauði.

En þá að ferlinu.

Ég byrjaði á því að setja pressuger ofan í volgt vatn og lét það standa í 10 mínútur. Þetta fékk gerið til að taka við sér. Næst blandaði ég þurrefnunum saman við blönduna en þau voru salt, sykur, sesamfræ og hveiti.

Ég ákvað að nota hörfræ í staðin fyrir sólblómafræ. Hörfræ eru bragðlaus og einstaklega góð fyrir meltinguna og ég veit að allir heima hjá mér borða þau svo brauði myndi pottþétt ekki enda í ruslinu :)

Næst hellti ég matarolíunni við deigið, en ég var næstum því búin að gleyma henni! Sem betur fer bara næstum því :)

Ég lét deigið hefast í heitu vatni í vaskinum eða á volgum stað í um klukkustund.

Þegar deigið var búið að hefast þá var það vel búið að tvöfaldast og meira til!

Ég bætti svo hveiti út í þar til hægt var að hnoða deigið án þess að það myndi festast við mig eða skurðarbrettið.

Ég skipti síðan deiginu í þrjá jafnstóra bita. 

Ég mótaði einn bitann í stóra kúlu og hina tvo mótaði ég í átta litlar kúlur.

Síðan raðaði ég kúlunum þannig að sú stærðsta fór í miðjuna og hinar í kring. Passið ykkur að skilja smá bil á milli kúlanna svo að þær hafi pláss til að blása aðeins út þegar að þær bakast og hefast í hálftíma í viðbót.

Ég smurði svo deigið með eggi og fræjum og setti svo inní ofn á 200°og bakaði í 35 mínútur.

Svona leit svo brauðið út þegar að það kom úr ofninum. Svakalega grinilegt og ótrúlega gott!

Njótið!

Rannveig

Jólakaka

Jibbí! Jólakaka. Ég get ekki sagt þér hversu mikið fólkið á heimilinu mínu elskar jólaköku :) Aðferðin til að búa til jólaköku er sú sama og þegar ég gerði eplakökuna þannig að hægt er að sjá nákvæmar myndir af ferlinu þar. Ég breytti aðeins uppskriftinni, samt mjög líttilega, það er að segja ég ákvað að sleppa rúsínunum og setja súkkulaði í staðin. Þú sérð hvernig það gekk þegar þú lest áfram ;)

En nú að ferlinu.

Eins og ég kom að áðan þá var aðferðin við að búa til kökuna sú sama og var þegar ég bjó til eplakökuna. Ég notaðist við aðferð 1 og byrjaði því á því að þeyta saman smjörlíki og sykur þar til það var orðið ljóst og létt. Síðan bætti ég eggjunum út í og þeytti meira.

Næst bætti ég við kardimommudropum og þurrefninu og þeytti deigið. Ég ákvað að sleppa súkkatinu.

Næst var komið að örlagaríku brytingunni! Ég hellti heilum poka af súkkulaðidropum út í deigið í staðin fyrir rúsínur!

Og það leit ekki illa út!

Næst blandaði ég dropunum vel sman við deigið og hellti í smurt jólakökuform. Eins og sést á neðstu myndinni þá var pabbi minn mjög spenntur fyrr jólakökunni! :)

Kakan var svo sett inn í ofn á 200° í 10-15 mínútur. Og sjáið bara hvað hún lýtur vel út! Nammi nammi namm :)

En þá er komið að því sem gekk illa.

.

.

.

.

.

.

Ertu tilbúin/n?

.

.

.

.

.

.

.

.

.

Alveg viss?

.

.

.

.

.

.

.

.

.

.

.

.

.

.

.

.

.

.

.

.

.

.

.

.

Tada! Ég hafði misst mig í gleðinni og sett aðeins of mikið af súkkulaði þannig að allt súkkulaðið sökk í bötninn á kökunni og festi hana í forminu. Kakan var samt mjög bragðgóð en bara of mikið súkkulaði (þó svo að ég hélt að það væri ekki hægt!). En þetta er semsé það sem fór illa þó að baksturinn hafi gengið vel.

Njótið!

Rannveig

Hversdagsbrauð

Það er mjög einfalt og auðvelt að búa til hversdagsbrauð og gekk það rosalega vel hjá mér. Ég get nú eiginlega ekki talið upp neitt sem mátti fara betur þar sem allt gekk svona vel. Ef að ætlunin er að henda í eitt fljótlegt brauð sem á ekki að taka langan tíma til að gera og bragðast ótrúlega vel, þá er hversdagsbrauð sko algjörlega málið!

En þá að ferlinu!

Ég tók ekkert brjálæðislega mikið af myndum, þú verður að afsaka það. En fyrst byrjaði ég á því að blanda kaldri mjólk og heitu vatni saman í mælikönnu. Vegna þess að ég var með ískalda mjólk og heitt vatn, varð vökvinn ylvolgur. Næst setti ég gerið, hveitið og saltið saman í skál og blandaði því vel saman. Síðan hellti ég vökvablöndunni í skálina og hrærði.

Næst bætti ég smám saman meira og meira hveiti við deigið þangað til ég gat hnoðað það án þess að það myndi klístrast við puttana mína.

Þá leit deigið mitt svona út.

Næst smurði ég jólakökuform með olíu og mótaði deigið mitt í þannig að það myndi fylla út í mótið.

Næst smurði ég deigið með eggi sem gefur rosalega fallagan gullbrúnan lit þegar að brauðið kemur út úr ofninum. Brauðið er bakað í köldum ofni sem er stilltur á 180°. Brauðið hefast þá í ofninum á meðan hann er að hitna. Brauðið er haft inni í ofninum og bakast í 45 mínútur. Ég verð nú samt að viðurkenna að ofninn var heitur því við höfðum verið að baka í honum og því leyfði ég brauðinu að hefast á broðinu en ekki inni í ofninum.

Hér sjáið þið svo lokaútkomuna. Svakalega grinilegt, auðvelt og gott!

Hér er svo ein mynd til gamans af mér og Magnúsi að baka brauðin okkar :)

Njótið!

Rannveig

Bananabrauð

Þetta blessaða bananabrauð varð að einskonar tilraunarverkefni, en meira um það síðar :) Það gekk vel að baka brauðið nema mér fannst það þrufa að vera frekar lengi inni í ofni til að bakast en samkvæmt uppskriftini þá passaði það alveg.

En þá að framkvæmdinni!

Jæja eins og ég sagði áðan þá varð þetta brauð að einskonar tilraunarverkefni. Málið er nefnilega það að við fundum ekki All-Bran sem átti að fara í brauðið í búðinni. Þess vegna notuðum við bara Kornflex! Sko okkur :)

Byrjið á því að setja 3 banana í skál. Þeir mega vera betur þroskaðir en þessir en alls ekki minna. Það er ekki gott að setja græna óþroskaða banana í bananabrauð.

Stappið bananana ásamt kornflexinu sman þar til bananarnir eru orðnir að mauki.

Maukið lýtur þá svona út.

Næst þeytið þið saman matarolíu, egg og sykur þar til blandan er orðin létt.

Þegar blandan lýtur svona út þá getið þið hætt að þeyta.

Blandið bananamaukinu saman við blönduna.

Hrærið í höndunum þar til öllu hefur verið blandað vel saman.

Bætið nú þurrefnunum hveiti, salti og lyftidufti sman við blönduna ykkar. Hér gætuð þið bandað saman við grófsaxaðar hnetur en ég kaus að sleppa því þar sem ég er soddan gikkur :)

Hrærið allt saman í hrærivélinni.

Þegar að deigið lýtur svona út er það tilbúið.

Færið deigið yfir í smurt bökunarform og bakið inni í ofni við 180° hita í um klukkustund.

Nammi nammi namm. Ég verð nú að segja að þessi tilraun með kornflexið heppnaðist bara ágætlega, allavega betur en ég bjóst við og brauði var bara mjög bragðgott :)

Njótið!

Rannveig

Bollukaka með sesamfræjum

Þá er komið að bolluköku með sesamfræjum. Í þessari uppskrift helmingaði ég uppskriftina því að bæði ég og Magnús þurftum að baka uppskriftina og við áttum ekki nógu mikið hveiti. Einnig gleymdum við að kaupa hveitilíð svo við slepptum því líka. Það gekk vel að baka brauðið nema þar sem að ég var bara með 16 bollur en ekki 30 eins og heil uppskrift átti að hafa, þá gekk erfiðlega að raða bollunum í flottan hring. Ekki það að það sé aðalatriðið en það hefði verið gaman að hafa þær í fullkomnum hring :)

En þá að ferlinu.

Við byrjum á því að blanda þurrefnunum okkur saman í skál. Þau eru hveiti, þurrger, salt og sykur. Þetta hrærði ég svo vel saman til að blanda öllum hráefnunum. Munið að þið eigið ekki að nota allt hveitið.

Næst hellum við saman við matarolíunni, mjólkinni, heita vatninu og egginu.

Þegar þú ert búin að hræra deigið vel saman ætti það að lýta einhvernveginn svona út.

Næst þarf að láta deigið hefast. Þá er því komið fyrir á volgum stað, eins og til dæmis í volgu vatnsbaði, og skálinni lokað með plastfilmu eða einhverskonar loki til að haldda hitanum inni. Látið degið hefast í um 10 mínútur.

Þegar að deigið hefur lokið við að hefast ætti það að hafa tæplega tvöfaldast.

Bætið restinni af hveitinu við degið og hnoðið það.

Rúllið deginu í lengju.

Nú er komið að því að skipta deiginu. Samkvæmt uppskriftinni ætti ég að fá um 15 bollur með helmingaðri uppskrift. Ég ákvað að hafa þær 16 þvi það er auðveldar að skipta þeim þannig. Ég byrjaði á því að helminga lengjuna, síðan helmingjaði ég þá tvo helminga alveg þangað til ég var komin með 16 stykki.

Mótið kúlu úr hverjum bút sem þið skáruð. Þá ættuð þið að vera með sextán kúlur.

Komiið kúlunum fyrir á bökunarplötu og raðið þeim upp í ,,hring". Passið að þær liggi ekki alveg þétt upp við hvort aðra þar sem þær þurfa smá pláss til að stækka og við viljum ekki enda með eina brauðklessu. Þegar að þið eruð búin að raða bollunum penslið þá yfir þær með eggi.

Takið næst sesamfræ og stráið yfir bollurnar. Stingið svo bökunarplötunni inn í ofn og bakið í um 15 mínútur við 200°.

Voilá! Ótrúlega góðar brauðbollur. Þessar verða sko gerðar aftur!

Njótið!

Rannveig